विश्वभर कोरोना भाइरसको संक्रमित संख्या ३१ लाख नाघ्दा अमेरिकामा १० लाखभन्दा बढी संक्रमित भइसकेका छन् । डढेलो झैं फैलिएको संक्रमणले सबैभन्दा बढी विश्वकै धनी देश अमेरिकालाई पिरोलेको छ ।

पछिल्लो तथ्यांक अनुसार अमेरिकामा १० लाख २६ हजार संक्रमित संख्या पुगेको छ । त्यहाँ ५८ हजारभन्दा बढीको संक्रमणबाट मृत्यु भइसकेको छ । अमेरिकाको न्युयोर्क शहरमा सबैभन्दा बढी मानिसको मृत्यु भएको छ ।

विश्वभर ३१ लाख संक्रमित संख्या नाघिसक्दा २ लाख १६ हजारको संक्रमणबाट मृत्यु भइसकेको छ । स्पेन र इटालीमा संक्रमित संख्या २ लाख नाघिसकेको छ । फ्रान्स, बेलायत, जर्मनी र टर्कीमा एक लाखभन्दा बढी संक्रमित भइसकेका छन् ।

भारतमा संक्रमित संख्या ३१ हजार नाघेको छ । त्यहाँ एक हजारभन्दा बढीको संक्रमणबाट मृत्यु भइसकेको तथ्यांक छ ।

तपाईको प्रतिक्रिया

सम्बन्धित समाचार