काठमाडौं – संसद्को शिक्षा तथा स्वास्थ्य समितिको बैठकले माध्यमिक शिक्षा परीक्षा कक्षा १० (एसइई) को अब कुनै पनि आवश्यकता नरहेकाले खारेजी गर्नुपर्ने निर्णय गरेको छ ।

समितिले एसइई सधैका लागि खारेजी गर्न शुक्रबार शिक्षा, विज्ञान तथा प्रविधि मन्त्रालयलाई निर्देशन दिएको हो । समितिका सभापति जयपुरी घर्तीका सभापतित्वमा बसेको बैठकले शैक्षिक सुधारको क्षेत्रमा ४ बुँदे निर्णय गरेको हो ।

कोरोना संक्रमणले ल्याएको संकटपूर्ण अवस्था २०७६ सालको एसइई परीक्षा सञ्चालन नगर्ने मन्त्रिपरिषद्को निर्णय उपयुक्त ठहर गर्दै संविधान र कानुनले नै कक्षा १२ सम्म विद्यालय तहको शिक्षा किटान गरिसकेकोले अब कक्षा १० को अन्तिम परीक्षा पनि विद्यालयको सहकार्यमा स्थानीय तहले लिनुपर्ने निर्णय गरेको छ ।

तपाईको प्रतिक्रिया

सम्बन्धित समाचार