काठमाडौँ : नेपाली कांग्रेसका सभापति शेरबहादुर देउवाले पदाधिकारी तथा पूर्वपदाधिकारी बैठक बोलाएका छन् । भोलि दिउँसो २ बजे सभापति देउवाको निवास बुढानीलकण्ठमा बैठक तय भएको पार्टी केन्द्रीय कार्यालयका मुख्यसचिव कृष्णप्रसाद पौडेलले इकागजलाई जानकारी दिए ।

पार्टीको १४ औँ महाधिवेशन आगामी भदौमा हुने भनिए पनि महाधिवेशनका कार्यतालिका प्रभावित भएपछि त्यसबारे छलफल गर्न देउवाले बैठक डाकेको बताइएको छ ।
कांग्रेसको महाधिवेशन कार्यतालिका अनुसार असारमा वडा तहको अधिवेशन हुनुपर्ने भए पनि क्रियाशील सदस्यताको विषय नै टुंगो नलागेपछि त्यसैबारे छलफल गर्न बैठक बस्न लागेको हो ।

तपाईको प्रतिक्रिया

सम्बन्धित समाचार