काठमाडौं ।रुकुम पश्चिमको आठविसकोट नगरपालिका– ११ का निर्माण पुरी करेन्ट लागेर घाइते भए । वडा नम्बर ११ धुर्सेनीका भरत पुरिका ८ वर्षीय छोरा निर्माणलाई यही जेठ २२ गते बेलुकी पाँच बजेतिर करेन्ट लागेको थियो वडामा भर्खरै केन्द्रिय प्रशारण लाइन विस्तार भएको थियो ।

गाउँको निन्याउरी खोलामा बाख्रा चराउन गएका बालक निर्माणलाई करेन्ट लागेको हो । उनि गम्भिर घाइते भएका थिए । करेन्ट लागेको थाहा पाएपछि आफन्तले उनलाई तत्काल उपचारका लागि आठविसकोट नगर अस्पतालमा लिएका थिए । त्यहाँ उपचार सम्भव नहुने भएपछि अस्पताल पुर्याएको केही घण्टामै रिफर गरियो ।

आठविसकोट नगरअस्पतालबाट रिफर गरिएपछि बाँकेको नेपालगञ्जमा रहेको भेरी अस्पतालमा लगिएको थियो । तर त्यहाँ पुर्याउँदा पनि उक्त अस्पतालमा उपचार सम्भव नभएको डाक्टरहरुबाट जवाफ आयो । आफन्तहरुले निरास हुँदै लकडाउनकै समयमा निर्माणलाई उपचारका लागि काठमान्डौँ लगेका थिए । उनको अहिले काठमान्डौँस्थित पुष्पलाल मेडिकल कलेजमा उपचार भैरहेको छ ।

निर्माणको स्वास्थ्य अवस्था जटिल बन्दै गएको छ । उपचारका लागि दैनिक रुपमा धेरै खर्च हुने गरेको निर्माणका ठुलाबुवा धर्मराज पुरीले बताउनुभयो । अहिले औषधीमा मात्रै दैनिक ३०/ ३५ हजारसम्म खर्च हुने गरेको उहाँको भनाई छ । दैनिक रुपमा यत्रो पैसा जुटाउन मुस्किल भएको धर्मराजले सुनाउनुभयो । उहाँले भन्नुभयो “आर्थीक अवस्था कमजोर छ, निर्माणको बुवा कमाउन भारतमा गएका छन उसको आमा र म अस्पतालमा कुरुवा छौँ । ”

दैनिक रुपमा खाना नास्ता र बेड चार्जको खर्च एकातिर छ । हरेक दिन महंगो औषधी दिनुपर्छ खर्च जुटाउनै कठिन भएको छ, धर्मराजले दुखेसो गर्नुभयो । निर्माणको ज्यान बचाउन मुस्किल भएकाले आफन्तले सहयोगको अपेक्षासमेत गरेका छन

तपाईको प्रतिक्रिया

सम्बन्धित समाचार